"Hegan egiten ez zekien txantxangorria" liburuaren laugarren pasartea
Baina egun
hartan, familia inguruetan jostatzen ari zen bitartean, asper-asper eginda
zegoela, adorea bildu eta, gorantz hegan egiteko modua ezagutzen ez zuen arren,
habiatik behera erortzen utzi zuen bere burua, eta airekoen moduan planeatuz, ardiak
zeuden zelairaino iritsi zen Marmar.
Eskerrak
ardiak belarjaleak diren eta ez zuten balizko elikagai gisa hartu! Ez zioten
minik egin.
Kontua da
deus ere ez zuela ikusten han, hainbeste ardi hankaren artean. Soilik zoruaren
mailatik ikus daitekeena ikus zezakeen. Hegoei eragin eta hegan hasteko
ahaleginak egin zituen, baina ahaztuta zituen amak gorantz hegan egiteari buruz
irakatsitakoak.
Ataka
gaiztoan zegoen, gaixua! Amari txioka dei egiten zion, baina ardien marrakek
guztiz estaltzen zuten deiaren hotsa. Bai, ataka gaiztoan zegoen egiazki¡
Comentarios